يېڭىلىقلار
خەۋەرلەر
تۈردىن يېڭىلىقلار: يېڭى نەشىرلەر، پائالىيەتلەر، ئارخىپ خىزمەتلىرى ۋە جامائەت ئۇقتۇرۇشلىرى.
ستارباكس شەرقىي تۈركىستاندا دۇكان ئاچتى
ستارباكس 2026-يىلى 29-سېنتەبىر شەرقىي تۈركىستاننىڭ ئۈرۈمچى شەھىرىدە تۇنجى ئىككى دۇكىنىنى ئاچتى. خەلقئارا چوڭ بازار ۋە تىيانشان خەلقئارا ئايروپورتىدا تىجارەت باشلىغان بۇ دۇكانلار شىركەتنىڭ رايوندىكى تۇنجى دۇكانلىرى ھېسابلىنىدۇ.
شەرقىي تۈركىستان ئىشغالىنىڭ 77 يىللىقى مۇناسىۋىتى بىلەن سارىيەردە نامايىش ئۆتكۈزۈلدى
شەرقىي تۈركىستان كىشىلىك ھوقۇق كۆزىتىش جەمئىيىتى ۋە خەلقئارا شەرقىي تۈركىستان تەشكىلاتلار بىرلىكىنىڭ باشلامچىلىقىدا ئۆتكۈزۈلگەن نامايىشتا، خىتاينىڭ شەرقىي تۈركىستاندىكى ئىشغالى ۋە باستۇرۇش سىياسەتلىرىگە نارازىلىق بىلدۈرۈلدى.
شى جىنپىڭنىڭ ۋاشىنگتون زىيارىتىگە قارشى بىرلەشمە نامايىش
خىتاي دۆلەت رەئىسى شى جىنپىڭنىڭ 2026-يىلى 24-سېنتەبىردىكى ۋاشىنگتون زىيارىتى ھەر قايسى جامائەتلەرنىڭ نامايىشلىرىغا دۇچ كەلدى. شەھەرنىڭ ئوخشىمىغان جايلىرىدا كۈن بويى ئۆتكۈزۈلگەن نامايىشلاردىن كېيىن، ئۇيغۇرلار، تىبەتلەر، خوڭكوڭلۇقلار، تەيۋەنلىكلەر ۋە خىتاي دېموكراتىيە تەرەپدارلىرى كەچتە فرانكلىن باغچىسىدا بىر يەرگە جەم بولدى. ئاقسارايغا يېقىن جايدىكى بۇ نامايىشقا نەچچە يۈز كىشى قاتناشتى.
ئۇيغۇر پارلامېنت ئەزاسى ئارفىيە ئېرى ياپونىيە لىبېرال دېموكراتلار پارتىيەسىنىڭ مۇئاۋىن باش كاتىپى بولدى
ياپونىيە پارلامېنتىنىڭ ئاۋام پالاتا ئەزاسى ئارفىيە ئېرى ھاكىمىيەت بېشىدىكى لىبېرال دېموكراتلار پارتىيەسىنىڭ مۇئاۋىن باش كاتىپلىقىغا تەيىنلەندى. ئۇ ئۆتكەن ھەپتە ياپونىيە تاشقى ئىشلار مىنىستىرلىقىدىكى ۋەزىپىسىدىن ئايرىلغانىدى.
ئۇيغۇر ئاتىغا «ئاكا-ئۇكا بولۇش» ئارقىلىق ئۇچۇر ئېلىش ئۇرۇنۇشى
تۈركىيەدە ياشاۋاتقان ئۇيغۇر ئابدۇللا تۆمۈر كۇچادا قالغان ئۈچ پەرزەنتىدىن 10 يىلغا يېقىن ۋاقىتتىن بۇيان خەۋەر ئالالمىغانلىقىنى، پەرزەنتلىرىنىڭ ئەھۋالىنى سۈرۈشتۈرۈش جەريانىدا ئۆزى بىلەن ئالاقىلەشكەن بىر ساقچىنىڭ سۇرىيەدىكى ئۇيغۇرلار ھەققىدە ئۇچۇر سورىغانلىقىنى بىلدۈردى. ئەركىن ئاسىيا رادىيوسى (RFA) مەزكۇر كىشىنىڭ كۇچادىكى بىر ساقچىخانىدا ئىشلەيدىغانلىقىنى تېلېفون زىيارىتى ئارقىلىق دەلىللىگەنلىكىنى خەۋەر قىلدى.